Gunnar Birgisson, sparkspekingur og fréttamaður hjá RÚV setur fram þá samsæriskenningu að dómarar í enskum fótbolta séu ekki hluthlausir vegna þess að þeir eru að fá greiðslur frá Mið-Austurlöndum.

Enskir dómrarar hafa verið að fa verkefni í Mið-Austurlöndum en eigendur Manchester City koma frá Abu Dhabi og eigendur Newcastle koma frá Sádí Arabíu.

Gunnar sem heldur með Arsenal slær þessari kenningu fram eftir að hans lið tapaði gegn Newcastle þar sem dómarinn fær nokkra gagnrýni frá Arsenal samfélaginu.

„Arsenal voru góðir, mér fannst Kai Havertz frábær. Þetta ræðst á trúða marki sem hægt var að taka af á þrjá mismunandi vegu. Þetta kallar ekki á neitt panik,“ segir Gunnar um leikinn í hlaðvarpsþættinum Steve Dagskrá.

Gunnar segir að eigendur þessara liða séu að frussa peningum í vasa dómara reglulega.

„Að sjálfsögðu, hvað heldur þú? Þeir eru að dæla peningum úr sínum vasa í vasa dómara. Það þarf engan snilling til að sjá að það er eitthvað mjög furðulegt í gangi.“

„Finnst ykkur eðlilegt að dómarar séu að þiggja greiðslur frá eigendum t.d Manchester City aðra hverja viku. Það verður að segjast í allra besta falli, vera óeðlilegt. Þeir fara og dæma í deildinni þeirra í Mið-Austurlöndum.“

Kenning Gunnars vakti athygli þeirra sem stýra Steve Dagskrá og vildi Andri Geir Gunnarsson kalla til Axel Pétur sem hefur smíðað saman athyglisverðar kenningar í gegnum árin.