Mirror segir í dag frá breskri móður sem vildi að dóttir sín, sem var þá 14 ára gömul, færi í fegrunaraðgerð af því „ljótt fólk“ kæmist ekkert áfram í lífinu.
Konan heitir Carla Bellucci og árið 2019 var hún kölluð hataðasta kona Bretlands eftir hún þóttist vera með þunglyndi svo að opinbera heilbrigðiskerfið í Bretlandi (NHS) myndi greiða fyrir nefaðgerð sem hún fór í.
Hún kom í viðtal í sjónvarpsþættinum This Morning og sagðist þar ekki hafa gert neitt rangt þótt hún hafi logið þessu.
Hún fékk yfir sig hrinu svívirðinga og einn af þáverandi stjórnendum This Morning, Phillip Schofield, kallaði hana sníkjudýr.
Þetta sama ár, 2019, sagði hún að dóttir sín, sem þá var 14 ára, ætti líka að fara í lýtaaðgerð svo henni myndi vegna betur í lífinu.
Bellucci sagði þá að dóttir sín, Tanisha, væri ekki góður námsmaður og ætti í staðinn að leggja rækt við útlitið. Hún sagði við tímaritið Closer að þess vegna væri henni sama um menntun dóttur sinnar en öðru máli gengdi um menntun sona hennar.
Hún sagði dóttur sína þurfa að treysta á útlitið til að ná árangri í lífinu. Hún sagði þá að dóttir sín væri mjög hrifinn af útliti Kardashian systra og ætlaði sér, þegar hún yrði 16 ára, að fá sér fyllingarefni í varirnar svo hún yrði með þykkar varir eins og þær. Það sagðist Bellucci styðja eindregið.
Bellucci, sem er fyrirverandi fyrirsæta, hvatti líka dóttur sína til að fara í brjóstastækkun og láta fegra tennurnar. Hún sagðist einnig vera að safna fyrir aðgerð fyrir dótturina sem kallast „brasilísk rassalyfting“ (e. Brazilian bum lift) af því rassinn hennar væri allt of flatur. Aðgerðin mun vera áhættusöm en 1 af hverjum 3000 sem fara í hana láta lífið. Bellucci viðurkenndi fúslega að hún ætlaði sér að reyna að láta opinbera heilbrigðiskerfið greiða fyrir aðgerðina.
Hún eyddi þá talsverðu fé í hárlengingar, naglasnyrtingu og snyrtingu á augabrúnum fyrir dóttur sína í hverjum mánuði. Bellucci sagði þá að stúlkan myndi fá sér fyllingu í varirnar og Botox í andlitið þegar hún yrði 16 ára og fara í brjóstastækkun þegar hún yrði 18 ára.
Tanisha er í dag orðin 18 ára en á þessari stundu er ekki ljóst hvort af öllu þessu hafi orðið.
Í lok síðasta árs sagði Bellucci að Tanisha, sem var þá 17 ára, væri að hugleiða að fara að framleiða kynferðislegt myndefni fyrir vefsíðuna Onlyfans þegar hún yrði 18 ára og fylgja þannig í fótspor móður sinnar. Bellucci sagði þá að hún hefði sagt dóttur sinni að vera alveg viss því ef hún myndi gera það myndi það loða við hana eins og raunin hefði verið með hana.
