Svona hefst bréf konu til kynlífs- og sambandsráðgjafa The Sun, Deidre.
„Ég get ekki hætt að hugsa um að ég sé „huggunarverðlaunin“, enda er konan sem hann hélt framhjá mér með algjör andstæða mín. Hún er ljóshærð, grönn og helmingi yngri en ég.
Nú ligg ég andvaka á næturnar með áhyggjur að hann sé aðeins með mér út af börnunum.
Ég hef reynt allt en hann gjöreyðilagði allt traust sem ég bar til hans og á hverjum degi er mér flökurt af áhyggjum að hann muni endurtaka leikinn.“
Konan er 49 ára, eiginmaður hennar er 52 ára og þau hafa verið gift í 20 ár. Þau eiga þrjú börn, 9 ára, 11 ára og 15 ára.
„Mér hefði aldrei dottið í hug að hann myndi svíkja mig á þennan hátt. Hann var alltaf hinn fullkomni eiginmaður.“
Allt breyttist þegar konan sá skilaboð í síma hans. „Ég vissi að eitthvað væri að. Hann reyndi fyrst að forðast að viðurkenna nokkuð. Hann sagði að þetta væri bara samstarfskona hans og að hann talaði svona við alla. Ég trúði honum þar til einn daginn missti ég tökin og skoðaði símann hans. Þá sá ég að það væri búið að vera eitthvað á milli þeirra í nokkra mánuði.
Síðan þá hefur sjálfstraustið mitt verið í molum. Ég hef ekki tölu á því hversu oft hann hefur beðist afsökunar og reynt að bæta upp fyrir þetta, en ég get ekki hætt að hugsa um svik hans.
Ég bara á svo erfitt með að trúa að hann gat gert mér þetta. Mun ég einhvern tíma ná að jafna mig? Ég er hrædd um að ég muni aldrei geta treyst honum aftur.“
„Eiginmaður þinn hefur svikið þig og gefið þér góða ástæðu til að vera óörugg í hjónabandinu.
Að geta jafnað sig á framhjáhaldi maka getur verið erfitt, sérstaklega ef það hefur áhrif á sjálfstraust þitt.
Ef þú vilt að hjónabandið gangi upp þá þarftu að vera hreinskilin við hann og segja honum nákvæmlega hvernig þér líður. Annars mun ekkert gerast og það er ólíklegt að þessar tilfinningar hverfi bara.
Hans hlutverk núna er að hughreysta þig og sanna fyrir þér að þú sért sú sem hann vill.
Ef hann er áfram í sambandinu bara fyrir börnin þá mun það ekki ganga upp, börnin ykkar munu finna fyrir því á einhvern hátt.“
