Myndband hefur gengið undanfarið á Instagram þar sem sjá má ógnvekjandi styttu af hákarl á botni stöðuvatnsins Neuchâtel í Sviss.

Glöggir netverjar á Reddit fóru í rannsóknarvinnu og telja næstum öruggt að stytta þessi sé leikmunur úr kvikmyndinni Choc au Lac!. Hér er á ferðinni 6 metra löng stytta af hákarli sem fæstir hefðu áhuga á að komast í náin kynni við. Ekki er vitað fyrir víst hvernig styttan endaði ofan í vatninu en eftir að kafarar urðu fyrst varir við hana  hefur hákarlinn orðið eftirsóknarverður viðkomustaður fyrir ferðamenn.

Netverjar á Reddit gátu ekki hugsað sér að sjá þessa styttu, án þess að vita fyrir að hér væri ekki um raunverulegt kvikindi að ræða.

„Það er ekki séns að ég myndi stoppa þarna. Ef ég sæi hákarlinn þá myndi ég nota Póseidonskraft til að koma mér aftur upp á yfirborðið.“

„Ég get ekki ákveðið hvort mig langar að taka í höndina á aðilanum sem setti styttuna þarna eða hlaupa í burtu frá þeim.“

„Það væri fyndið ef einn ferðamaðurinn væri að taka mynd með styttunni og hákarlinn færi skyndilega að blikka augunum, opna kjaftinn og glefsa“

Myndin sem styttan var líka útbúin fyrir var gerð árið 2007. Að baki henni stóð hópur 176 krakka úr bænum Neuchâtel. Myndin fjallaði um risa hákarl sem herjaði á bæjarbúa. Því miður náðist aldrei að kára kvikmyndina og hefur hákarlinn síðan þá verið í botni vatnsins. Sumir efast þó um þessa frásögn og telja að hér sé um útsmoginn hrekk að ræða.

Þetta fær nokkra stoð í eldri þræði á Reddit þar sem einn notandi stígur fram og segist vera einn krakkanna sem stóðu að myndinni.

„Svo virðist sem að eftir að myndin var tekin upp hafi hákarlinum ver fleygt ofan í vatnið til að hræða fólk.“