Áhrifavaldurinn og athafnakonan Tanja Ýr Ástþórsdóttir veitti sjaldséða innsýn í ástarsamband hennar og breska kærasta hennar, Ryan.
Tanja Ýr var valin Ungfrú Ísland árið 2013. Hún stofnaði fyrirtækið Tanja Ýr Cosmetics árið 2015 – en ákvað að hætta með það fyrir ári síðan – og hárvörumerkið Glamista Hair í loks árs 2020 ásamt vinkonu sinni, Kolbrúnu Elmu Ragnarsdóttur.
Sjá einnig: Tanja Ýr á tímamótum og lokar stórum kafla í lífi sínu
Tanja Ýr og Ryan fögnuðu nýverið tveggja ára sambandsafmæli. Athafnakonan hélt sambandinu að mestu frá sviðsljósinu fyrsta árið en hefur hægt og rólega verið að kynna Ryan til leiks á Instagram.
Í janúar 2022 greindi DV frá því að dularfullur breskur sjarmör hafi fylgt Tönju til landsins en hún opinberaði ekki samband þeirra fyrr en í mars 2022.
Síðan þá hefur hún birt nokkrar myndir af þeim en fylgjendur fengu að sjá meira af parinu í nýjustu myndaseríu Tönju á Instagram.
Þau eyddu helginni á Akureyri og virtust hafa notið í botn. „Besta helgin,“ skrifaði Tanja Ýr með færslunni.
Turtildúfurnar fóru í Skógarböðin og bjórböðin á Akureyri, fengu sér gott að borða, og kíktu út í drykki.
