Rebecca Loos, konan sem David Beckham hélt framhjá Victoriu með, hefur tjáð sig í kjölfar þess að Netflix heimildaþáttaröð um stórstjörnuna kom út.
David á að hafa haldið framhjá með Loos eftir að hann gekk í raðir Real Madrid frá Manchester United 2003. Hún var aðstoðarkona fjölskyldunnar en Victoria og börn þeirra David fluttu ekki út til Madrídar frá Manchester fyrst um sinn.
Segir Loos meðal annars í viðtali við Daily Mail að hún hafi komist að því að David sýndi félögum sínum skilaboð sem fóru þeirra á milli.
„Við vorum að senda skilaboð á milli og þó voru nokkuð klúr. Svo fékk ég skilaboð frá spænska líffverðinum og hann sagði mér að hætta þessu, David væri að sýna vinum sínum þau og að þeir væru að hlæja að þeim saman,“ segir Loos.
„Ég var mjög sár. Þetta fékk mig til að standa á sama um hvort að upp kæmist um framhjáhald okkar.“
Þá gagnrýnir Loos David fyrir að lita sig sem fórnarlambið í málinu í Netflix þáttaröðinni um sig. Hann sagði að sér hafi liðið ömurlega vegna frétta um framhjáhaldið og að honum hafi orðið flökurt vegna þeirra.
„Sögurnar voru hræðilegar en þær eru sannar. Þetta er allt svo mikið „aumingja ég“ en hann þarf að taka ábyrgð. Ég skil vel að hann sé að verja sína ímynd en þetta lætur hann líta út eins og fórnarlamb og mig eins og lygara.
Þegar ég uppljóstraði um þetta fyrir öllum þessum árum hélt ég mig við staðreyndir því ég var 26 ára með engan stuðning og var að fara á gegn valdamesta pari í heimi,“ segir Loos að endingu um málið.
