Geir Þorsteinsson, fyrrum formaður KSÍ leggur til að KSÍ láti Age Hareide fara þegar samningur hans rennur út og vill sjá Rúnar Kristinsson taka við.

Rúnar er án starf eftir að KR ákvað að framlengja ekki samning hans og er hann orðaður við Fram og einnig að bjóða sig fram í formann KSÍ.

„Rúnar Kristinsson í landsliðið,“ skrifar Geir á Facebook síðu sína.

„Nei, ekki er ég að leggja til að Rúnar dragi fram skóna, en þetta hefði í sjálfum sér verið fáránleg fyrirsögn áður fyrr enda Rúnar fastamaður í landsliðinu á sínum ferli sem leikmaður. En ef allt er lagt saman og metið, staða landsliðsins og uppbygging, reynsla Rúnars sem leikmanns í landsliði og atvinnumanns, reynsla Rúnars sem þjálfara og árangur og síðast en ekki síst staða KSÍ, ….. ÞÁ er það örugg og góð leið fyrir íslenska knattspyrnu að Rúnar taki við landsliðinu.“

Geir segir að Rúnar eigi að taka við KSÍ þegar samningur Hareid er á enda. „Það er góður kostur að fá Rúnar sem landsliðsþjálfara, hann er á lausu og getur tekið við um áramót eða eftir umspilsleikina í mars (þekki ekki samning við núverandi þjálfara). Áfram Ísland!.“