Victor Lindelöf, fyrirliði sænska landsliðsins, sér engan tilgang í því að klára leikinn gegn Belgíu sem var blásinn af í gær vegna hryðjuverka.
Maður sem kennir sig við ISIS samtökin myrti þá tvo sænska stuðningsmenn og einn er alvarlega slasaður. Voru þeir mættir til Brussel til að styðja sitt lið.
Báðir hinna látni voru klæddir í sænska landsliðsbúninginn. Sænska liðið fékk veður af voðaverkinu í hálfleik og neitaði að klára leikinn.
„Belgía er komið áfram og við getum ekki farið áfram, ég sé ekki neinn tilgang til að klára leikinn,“ sagði Lindelöf eftir leik.
Staðan var 1-1 í hálfleik þegar leik var hætt. „Við lifum fyrir trú okkar, við deyjum fyrir trú okkar. Ég er að hefna mín fyrir múslima og nú hef ég drepið þrjá Svía. Ég þakka Guði, ég mun hitta hann og spámanninn glaður í bragði,“ sagði hinn meinti morðingu á myndbandinu en eins og fyrr segir er talið að tveir hafi látist í árásinni.
