Daniel Sturridge, fyrrum leikmaður Liverpool og enska landsliðsins, hefru svarað fyrir sig eftir ásakanir rapparans Foster Washington eða Killa Fame.

Washington ásakar Sturridge um að skulda sér háa upphæð eða 30 þúsund pund fyrir að finna hund þáverandi leikmannsins, Lucci.

Sturridge bauðst opinberlega til að borga 30 þúsund pund í fundarlaun fyrir Lucci. Washington segist vera sá sem fann hundinn og sá til þess að hann kæmist örugglega heim.

Washington ætlar nú að kæra Sturridge og vill fá upphæðina borgaða en sá síðarnefndi kemur af fjöllum – atvikið átti sér stað fyrir fjórum árum.

Sturridge segist hafa borgað ungum dreng fyrir að skila Lucci heim og þá að hann skuldi Washington ekki eina krónu.

,,Fréttirnar í gær, þetta er í fyrsta sinn sem ég og mín fjölskylda fréttum af þessum einstaklingi reyna að kúga fé af okkur í langan tíma,“ sagði Sturridge.

,,Þetta er eitthvað sem gerðist fyrir fjórum árum. Ég borgaði unga stráknum sem fann hundinn, hann var hæstánægður með verðlaunin sem og mín fjölskylda sem fékk Lucci aftur heim.“

,,Þessi einstaklingur sem er að heimta fundarlaun á engan pening inni hjá okkur, ég er nú þegar búinn að borga stráknum sem fann Lucci.“