Af þeim leikmönnum Manchester Untied sem hafa spilað fimm leiki eða fleiri  undir stjórn Erik ten Hag, hefur enginn unnið hlutfallslega fleiri leiki en Harry Maguire.

Maguire steig fram á blaðamannafundi með enska landsliðinu og sagði frá því að hann væri að standa sig vel, þrátt fyrir að hollenski stjórinn vilji helst ekki nota hann.

Maguire segir að staðreyndin sé sú að þegar hann byrji leiki undir stjórn Ten Hag þá gangi United vel.

„Ég verð bara að taka þau tækifæri sem ég fæ. Tölfræði mín með þessum stjóra talar fyrir sig sjálf, sigurprósenta mín er rosalega góð. Ef þú skoðar síðustu 15-20 leiki með félagsliði og landsliði þá er ég sáttur með frammistöðuna.“

Leikmenn sem Ten Hag er illa við raða sér ofarlega á listann en má þar nefna Cristiano Ronaldo sem hann lét fara og Anthony Elanga sem hann seldi í sumar.