Chelsea er víst tilbúið að taka algjöra U-beygju og er reiðubúið í að semja aftur við miðjumanninn conor Gallagher.

Gallagher á 18 mánuði eftir af samningi sínum í London og var sterklega orðaður við brottför í sumar.

Chelsea reyndi að selja Gallagher án árangurs í sumar en Tottenham, Bayern Munchen og West Ham sýndu áhuga.

West Ham var eina liðið sem bauð í Gallagher en upphæðin var ekki nógu há og hafnaði Chelsea því boði.

Gallagher hefur staðið sig ágætlega á þessu tímabili og er Chelsea nú að undirbúa nýtt samningstilboð sem kemur mörgum á óvart.

Um er að ræða uppalinn strák en hann hefur borið fyrirliðabandið nokkrum sinnum á tímabilinu hingað til.