Íþróttavikan heldur áfram að rúlla á 433.is og í Sjónvarpi Símans undir hlekk Hringbrautar. Þeir Helgi Fannar Sigurðsson og Hrafnkell Freyr Ágústsson stýra þættinum og að þessu sinni var gestur þeirra tónlistarmaðurinn Patrik Atlason, Prettyboitjokko.

Patrik æfði með Víkingi upp yngri flokkana og ætlaði sér alltaf að spila í meistaraflokki þar.

„Við 94 árgangurgurinn í Víkingi vorum frekar góðir. Þetta voru ég, Viktor Jónsson, Aron Elís, Davíð Atla og fleiri. Við erum að vinna öll þessi mót. Við áttum að fara saman upp í meistaraflokk, það var búið að selja okkur það þannig við vildum alltaf vera í Víkin,“ sagði Patrik.

Svo kom hins vegar upp staða sem varð til þess að Patrik neyddist til að fara frá Víkingi og þá hélt hann í FH. Milos Milojevic, sem í dag er þjálfari Al Wasl í Sameinuðu Arabísku Furstadæmunum, kom inn í þjálfarateymi Víkings.

„Svo fer einhver smá skandall í gang. Ég var á öðru ári í 2. flokki og búinn að spila með Meistaraflokki bæði árin og frá því í 3. flokki, alltaf æft með meistaraflokki. Milos tekur við sem aðstoðarþjálfari í meistaraflokki og við náum ekki vel saman. Ég var of mikill gosi fyrir hann. Svo allt í einu kemst ég ekki í meistaraflokk. Samt var ég búinn að spila í efstu deild og átti heilt tímabil í 1. deild, allt í einu höfðu þeir ekki not fyrir mig á elsta ári í 2. flokki.

Óli Þórðar var með mig á öðru árinu í 2. flokki og notaði mig mikið. Svo var Milos búinn að rotta sig inn í aðstoðarþjálfarastarfið eins og hann er svo góður í. Hrós á þennan gæja bara. Þetta er mesti snillingur sem ég veit um í að stinga menn í bakið og koma sér langt.“

Umræðan í heild er í spilaranum.