Þetta eru niðurstöður nýs loftslagsmódels sem ofurtölva gerði og er óhætt að segja að spá hennar sé mjög dökk fyrir mannkynið og jörðina og allar þær lífverur sem hér þrífast.
Samkvæmt útreikningum ofurtölvunnar þá gæti sólin orðið bjartari en hún er í dag, jarðskorpuhreyfingar gætu losað um gríðarlegt magn CO2 út í andrúmsloftið í gegnum eldgos. Sky News skýrir frá þessu.
Hitinn myndi hækka svo mikið að aðeins 8% til 16% af ofurheimsálfunni, sem er reiknað með að myndist, verður hæf til búsetu.
Spendýr, þar á meðal fólk, er betra í að laga sig að búsetu á köldum svæðum og eiga erfiðara með að glíma við háan hita.
Dr Alexander Farnsworth, aðalhöfundur rannsóknarinnar, sagði að á hinni nýmynduð ofurheimsálfu muni hitinn ná 40 til 50 gráðum og jafnvel enn hærra þegar verst lætur. Þessi hái hiti og mikill raki myndi að lokum ráða örlögum okkar. „Fólk, og margar aðrar dýrategundir, myndu deyja út vegna þess að þær geta ekki losnað við hita í gegnum svita, kælt líkama sinn,“ sagði hann.
Höfundar rannsóknarinnar telja að magn CO2 í andrúmsloftinu geti aukist í rúmlega 600 ppm (agnir í hverri milljón) en í dag er það um 400 ppm þegar ofurheimsálfan Pangea Ultima myndast.
Benjamin Mills, prófessor, sem reiknaði magn CO2 í framtíðinni út fyrir rannsóknina, sagði að útreikningarnir byggi á að við hættum notkun jarðefnaeldsneytis, að öðrum kosti sjáum við þessar tölur miklu fyrr.
Rannsóknin hefur verið birt í vísindaritinu Nature Geoscience.
