Þann 2. október var maður sakfelldur í Héraðsdómi Reykjaness fyrir brot gegn leikskólabörnum á Suðurnesjum.

Maðurinn var í fyrsta lagi ákærður fyrir að hafa fengið þrjú börn til að girða niður um sig og sýna á sér rassinn. Var þetta kallað „bossapartý“. Hann er einnig sagður hafa girt niður um sjálfan sig og sýnt börnunum rassinn á sér. „…með háttsemi sinni særði hann blygðunarsemi þeirra og sýndi þeim ósiðlegt athæfi,“ segir í ákæru.

Í öðru lagi er hann sakaður um kynferðislega áreitni gegn barni er hann nuddaði og strauk rassinn á barni utanklæða.

Í þriðja lagi er hann sakaðu rum að hafa farið innundir buxur og nærbuxur á dreng og káfað á kynfærum hans.

Maðurinn játaði brot sín fyrir dómi og sýndi iðrun. Einnig kemur fram í dómnum að hann hefur leitað sér faglegrar hjálpar vegna hegðunar sinnar. Síðast en ekki síst var tekið tillit til mjög ungs aldurs hins ákærða en aldur hans er hreinsaður út úr texta dómsins.

Í ljósi þessa var það niðurstaða dómara að gera manninum ekki refsingu en hann var dæmdur til að greiða börnunum miskabætur, einu barni 200 þúsund krónur og tveimur 50 þúsund krónur hvoru.

Dóminn má lesa hér.