Slúðurmiðlar vestanhafs hafa fjallað um fund leikaranna Ben Affleck og Jennifer Garner i Santa Monica í Kaliforníu á þriðjudag þar sem sjá má þau faðmast innilega og Garner síðan setjast inn í bíl Affleck.

Fyrir tveimur vikum var sama upp á teningnum en þá var 14 ára dóttir þeirra, Seraphina, með í för.

Hér er aðeins um gott samkomulag að ræða á milli fyrrverandi hjóna sem eiga þrjú börn saman, en auk Seraphina, eiga þau dótturina Violet 17 ára og soninn Samuel 11 ára.

Hjónin giftu sig árið 2005 og tilkynntu árið 2015 að þau ætluðu að skilja, skilnaðurinn var síðan frágenginn í október árið 2018. Nokkru síðar tók Affleck aftur saman við sína fyrrverandi, tónlistarkonuna Jennifer Lopez, og giftu þau sig í júlí árið 2022.

Heimildarmaður sagði Daily Mail að hjónin fyrrverandi ættu gott samband þeirra hvað varðar uppeldi barnanna eftir skilnað Lopez að þakka. „Ben er hamingjusamur. Drama fortíðar og skilnaðarins er að baki og þau eru að láta allt ganga upp.“

Sagði heimildamaðurinn Garner og Lopez ágætis vinkonur og öll börnin elska hvert annað, en Lopez á tvíbura, son og dóttur, með fyrri eiginmanni sínum, söngvaranum Marc Anthony. „Þetta er gott samkomulag foreldra og stjúpforeldra.“

Í forsíðuviðtali Vogue í lok síðasta árs sagði Lopez það sama og hrósaði sínum ektamanni og hans fyrrverandi fyrir að standa sig vel saman í foreldrahlutverkinu. Sagði hún þau hafa tæklað uppeldið og blandaða fjölskyldu mjög vel.