Áhrifavaldurinn Brynhildur Gunnlaugsdóttir er ein stærsta samfélagsmiðlastjarna okkar Íslendinga. Hún er með tæplega 100 þúsund fylgjendur á Instagram og yfir 1,6 milljónir fylgjenda á TikTok. Hún heldur einnig úti áskriftarsíðu á Fanfix þar sem aðdáendur geta keypt aðgang að meira efni frá henni.
Það er því ekkert nýtt að Brynhildur fái aragrúa af „likes“ á samfélagsmiðlum en sumt slær vissulega meira í gegn en annað.
Brynhildur er fædd árið 2000 og verður 23 ára í október. Hún er í sambandi með króatíska körfuboltamanninnum Dani Koljanin, og hefur eytt miklum tíma í Belgíu upp á síðkastið þar sem Dani spilar atvinnukörfubolta. Hann spilaði áður með KR.
Myndband hennar með Dani hefur vakið gríðarlega athygli. Það hefur fengið yfir 7 milljónir „views“ og hafa um 500 þúsund manns líkað við það samanlagt á samfélagsmiðlum.
„Þegar þú átt kærasta frá Balkanskaganum,“ skrifaði hún með myndbandinu þar sem má heyra Dani syngja með tónlistinni.
„Aldrei trufla tónlistina,“ bætti hún við.
@brynhildurgunnlaugssnr 1 rule is to never interrupt or change the music♬ original sound – Brynhildur gunnlaugs
Myndbandið hefur vakið athygli víða, sérstaklega hjá fólki frá Balkanskaganum sem hefur mjög gaman af þessu og virðist vera sammála; tónlistin er heilög og alls ekki trufla!