Í tilkynningu frá Strætó kemur fram að í dag er Bíllausi dagurinn í tilefni af evrópsku samgönguvikunni og það er frítt í alla vagna Strætó, bæði á höfuðborgarsvæðinu og á landsbyggðinni.

Strætó hefur tekið þátt í samgönguvikunni með viðburðinum Bíllausi dagurinn undanfarin ár og í ár ákvað Vegagerðin að taka einnig þátt en Vegagerðin rekur og ber ábyrgð á landsbyggðarstrætó. Með því verður frítt með landsbyggðarstrætó í fyrsta sinn.

Í tilkynningunni segir:

„Þetta er því tilvalið tækifæri fyrir fólk til að breyta út af vananum, hvíla bílinn og velja fjölbreyttari og vistvænni ferðamáta.“

Sjá nánar hér: Frítt í Strætó á bíllausa daginn – Strætó (straeto.is) og um dagskrá samgönguvikunnar hér: Samgönguvika hefst 16. september – Strætó (straeto.is)