Sápa.is er verslun á Laugavegi sem vekur jafnan athygli vegfarenda fyrir fallegar útstillingar í gluggunum. Um er að ræða hágæða hárvöruverslun sem leggur metnað sinn í að vera með góða merkjavöru á boðstólum og eitt mesta úrval landsins.
Guðrún Indriðadóttir og Indíana Steingrímsdóttir segja að Sápa sé lifandi og glæsileg sérvöruverslun bæði á netinu og í miðbænum og selur hágæða hárvörur fyrir bæði kynin. Einnig er boðið upp á mikið úrval af rafmagnstækjum, burstum, greiðum og fylgihlutum.
„Við kaupum vörur af innlendum birgjum en það tryggir gæði vörunnar. Verslunin er til húsa að Laugavegi 61 í Reykjavík en viðskiptavinum er einnig kleift að eiga viðskipti við okkur í gegnum netverslunina og nýta margir sér þá þjónustu. Ekki hvað síst hentar sá viðskiptamáti fólki sem býr á landsbyggðinni þar sem úrval hárvara er oftast ekki mikið. Netverslun er almennt að aukast og fólk sem býr úti á landi er duglegt að nota netið sem verslunarmáta.“
„Við leggjum mikið upp úr faglegri þjónustu, við erum báðar hársnyrtimeistarar og höfum mikla reynslu í að ráðleggja fólki með hvers kyns vangaveltur og vandamál. Einnig erum við ágætar í að leiðbeina um hvað sé best að kaupa sem gjafir handa eiginkonum, kærustum, vinkonum eða vinum. Við erum lifandi í að vera með hvers kyns tilboð, t.d. í tilefni af konudeginum. Síðan við opnuðum hefur fólk fagnað þessari verslun og segir að það sé pínu „útlenskt” að koma inn í verslun þar sem svona mikið úrval af hágæða hárvörum sé til sölu. Það einfaldar svo marga hluti að eiga réttu vörurnar til að hafa hárið í lagi – þegar hárið er í lagi þá er allt annað í lagi,”
segir Guðrún að lokum og brosir.
Verslun Sápa.is er á Laugavegi 61. 101 Reykjavík.
Opnunartími er mánudaga til föstudaga, frá kl. 10.00–18.00 og á laugardögum milli kl. 11.00–16.00
Hægt er smella á þennan link www.sápa.is til að fara beint inn á heimasíðu Sápu. Þar er hægt að skoða ýmsan fróðleik ásamt frábæru vöruúrvali verslunarinnar.
Sápa er einnig með lifandi og skemmtilega síðu á facebook síðu á facebook. Þar er að finna upplýsingar um nýjustu tilboð og reglulega er brugðið á leik þar sem fylgjendur geta unnið veglega vinninga.
