Það eru komin fimm ár síðan Victoria‘s Secret hélt síðast tískusýningu en viðburðurinn var einn stærsti tískuviðburður í heimi í tuttugu ár.
Í gegnum tíðina hefur fyrirtækið sætt harðri gagnrýni fyrir að fagna ekki fjölbreytileikanum, það er að segja konum af öllum stærðum og gerðum. Árið 2021 stigu nokkrar fyrrverandi Victoria‘s Secret fyrirsætur fram og afhjúpuðu dökku hliðar undirfatarisans.
Sjá einnig: Önnur fyrirsæta stígur fram og afhjúpar dökku hliðar Victoria‘s Secret
Undanfarin ár hefur Victoria‘s Secret unnið hörðum höndum að breyta ímynd fyrirtækisins og var viðburðurinn á miðvikudaginn hluti af því. Listamenn komu fram, ofurfyrirsætan Naomi Campbell las ljóð og fyrirsætan Gigi Hadid kynnti stiklu fyrir heimildarmynd Victoria‘s Secret, sem á að vera síðasta púslið í endurmarkaðssetningu þeirra.
Sjá einnig: Átti að nota kókaín og kynlíf til að grennast
Bleiki dregillinn var stjörnum prýddur, meðal gesta voru leikkonan Priyanka Chopra, fyrirsætan Lourdes Leon, sem er einnig dóttir Madonnu, samfélagsmiðlastjarnan Alix Earle og Lila Moss, fyrirsæta og dóttir Kate Moss.
Gegnsæir kjólar og djarfur klæðnaður var áberandi á dreglinum