Bandaríski áhrifavaldurinn Kat Crittenden hefur fengið að heyra það frá netverjum fyrir „einstaklega taktlaust“ myndband.
Í umræddu myndbandi er hún á strönd í Taílandi og segir við næstum 500 þúsund fylgjendur sína að þetta gætu verið þeir, ef þeir myndu bara bóka flug.
„Ég aftur, að sannfæra ykkur um að ferðast,“ skrifaði hún með myndbandinu.
„Ég meina, þetta gæti verið þú klukkan hálf sex á fimmtudagskvöldi ef þú myndir bara bóka flug! Í alvöru, komdu til Taílands. Þetta ætti að selja ykkur hugmyndina, drullist hingað.“
@kathryncritt Me again, convincing you to travel lol #travel ♬ original sound – Kat Crittenden
Kat hefur verið harðlega gagnrýnd og benda netverjar að verðbólga hefur aukist víða um heim undanfarið og að fólk hafi einfaldlega ekki efni á því að ferðast. Lausnin er ekki jafn einföld og að „kaupa bara miða.“
„Við erum hætt að kaupa egg því þau voru orðin of dýr, en nei ekkert mál. Hér kem ég til Taílands,“ sagði einn netverji.
„Ég er bókstaflega að drukkna í skuld,“ sagði annar.
„Ég er námsmaður og vinn líka en á samt erfitt með að borga leigu, en ekkert mál að kaupa yfir hundrað þúsund króna flugmiða,“ sagði einn.
