Þann 8. september næstkomandi verður frumflutt í Svarta kassanum, mennningarhúsinu Hofi á Akureyri, tónleikadagskráin Hetfield píanó prójekt. Um er að ræða ríflega 10 glænýjar útsetningar fyrir gítar og píanó þarsem mætast metal gítar rytmi og 19du aldar söngljóðapíanó, með skoti af premodernisma.

Hugmyndin stemmir frá einni flökkusögu um ævi og áhrif í lífi Jamesar Hetfields, tónsmiðs frá Downey, Kaliforníu, sem segir að á heimili píanókennara hafi hann aðeins verið hársbreidd frá því að leggja fyrir sig píanóleik, frekar en að gítar.

Fyrir þau sem eiga illt með að sætta sig við, eða skilja,multiversið, þá má alltaf benda á að auðveldast er að skilja það í gegnum val mannverunnar.

Fyrir 9 árum gömlum Hetfield blöstu við tvær mögulegar framtíðar, ein sem byggðist á því að píanóið væri valið og hin sem yrði til útfrá gítarspilinu.

Og þetta tvennt er jafn illa samræmanlegt og það á sama tíma getur ekki annað en átt leið saman, einsog tilverurnar og varíasjónirnar.

Það má sjá plan tímans sem layer í grafísku myndverki, hvert og eitt þeirra leggur áherslu á ólíkan lit eða blæ, en einungis saman verða þau að stóru og sterku heildarverki – ein og sér stæðu þau sem hálftóm og efnislítil.

Verkefnið varð til útfrá því að í sinni hreinustu eðlismynd, gætu hljóðfærin ekki gengið saman. Metal gítarinn með sínum grjótfasta, óbifanlega taktmælis réttslætti, og píanóið sem vaggar einsog öldur hafsins – lauslega tengt tunglstöðu uppá tíma en annars frjálst einsog fuglinn.

Síðan kemur í ljós að sem fullkomnar andstæður þá eigi hljóðfærin meira sameiginlegt en flest annað og úr verður fegurð sem gaman verður að fá að deila með tónleikagestum.

gímaldin útsetti fyrir píanó og gítar, Pálmi Sigurhjartarson leikur á píanó af alkunnri snilld og næmi.

Tónleikar eru sem áður segir 8. sept, klukkan 20.00 í Svarta kassanum, Hofi.

Miða má nálgast á www.mak.is og www.tix.is