Hybrid-gras er blanda af grasi og gervigrasi. Tíðkast það til að mynda hjá stórum liðum úti í heimi.
„Fyrir það fyrsta gefur þetta okkur miklu meiri og betri aðstöðu, fyrir alla flokka. Við teljum að við eigum eftir að spila lengur, í hvorn enda árs sem það er, á grasi en við gerum í dag. Við teljum okkur framleiða fótboltamenn þannig,“ segir Jón Rúnar.
En er stefnan á að leggja hybrid-gras á aðalvöll FH síðar meir?
„Til þess er leikurinn gerður. Við sjáum hvernig þetta kemur út og vonandi blessast þetta allt saman og verður eins og við sjáum fyrir okkur. Þá fer þetta á aðalvöllinn.“
Jón Rúnar segir að fyrirmyndin komi frá félögum í Evrópuboltanum.
„Við erum ekkert alltaf að sækja vatnið yfir lækinn en í þessu höfum við fylgst vel með því. Þetta er okkar áhugamál og við höfum fylgst vel með þróuninni, séð hvað þetta getur gert. Þess vegna trúum við því að þetta sé rétt skref.“
Jón Rúnar var svo spurður út í kostnað verksins.
„Þessir 13 þúsund fermetrar hér kosta einhverjar 330-40 milljónir, með vaski.“
FH er þegar með þrjú knatthús á svæði sínu en Jón Rúnar segir mikilvægt fyrir iðkendur á öllum aldri að fá að æfa utandyra einnig.
„Það er skemmtilegra fyrir unga iðkendur að vera úti, finna graslyktina, renna sér í bleytunni. Hvað er betra?“ sagði Jón Rúnar léttur að lokum.
Viðtalið í heild er í spilaranum
