Stafræna auglýsingastofan The Engine Nordic, hluti af Pipar\TBWA, vann til fernra alþjóðlegra verðlauna á Global Search Awards, en stofan hlaut samtals 12 tilnefningar fyrir stafrænar herferðir. Verðlaunin endurspegla einstakan árangur stofunnar og nýstárlega aðferðafræði með gögn og stafrænar herferðir. Um er að ræða stór alþjóðleg stafræn verðlaun þar sem auglýsingastofur um allan heim keppast um viðurkenningar. Gullverðlaunin sem stofan vann voru vegna verkefna sem unnin voru í nánu samstarfi með Hertz Iceland, Reykjavik Excursions by Icelandia og DEMICON í Þýskalandi.
Að vinna Global Search Awards er mikill heiður fyrir þá sem vinna í stafrænum auglýsingum, en hún er stærsta stafræna verðlaunahátíðin í heimi. Veitt eru verðlaun fyrir einstakan árangur sem og nýnæmi í ferskri nálgun í uppbyggingu herferða. Meðal þess sem dómnefnd tiltók var hversu framúrstefnulega herferðir væru sem og hversu snjöll hugsun var á bakvið nálgun, gögn og aðferðafræði.
„Með þessum árangri fyrir hönd okkar viðskiptavina erum við að eiga okkar farsælasta ár í sögu fyrirtækisins. Verðlaun á European Search Awards og svo fern verðlaun á Global Search Awards setur okkur í fremstu röð stafrænna auglýsingastofa í Evrópu og reyndar víðar. Þetta er einstakur heiður og jafnframt endurspeglar það trausta og góða samstarf sem við höfum átt með Reykjavik Excursions by Icelandia, Hertz Iceland og DEMICON síðastliðið ár.“ segir Hreggviður Magnússon, framkvæmdastjóri The Engine Nordic.
„Að fá 12 tilnefningar og vinna gull í fjórum flokkum á Global Search Awards endurspeglar það öfluga starfsfólk sem við höfum og þá aðferðafræði sem við notum. Maður er hrærður yfir þessum árangri og miklu viðurkenningu sem okkar samstarfi er sýnd,“ segir Haukur Jarl Kristjánsson, Performance Director hjá The Engine Nordic.
The Engine veitir ráðgjöf um stafræna markaðssetningu með áherslu á leitarvélar, samfélagsmiðla, og meðhöndlun gagna. Stofan er með starfsstöðvar í Kaupmannahöfn, Ósló og Reykjavík og er hluti af Pipar\TBWA.
Flokkarnir sem stofan vann sigur í eru eftirfarandi:
