Heimsins þekktasta og vinsælasta dúkka, sjálf Barbie, er nú vinsælli sem aldrei fyrr þökk sé nýrri kvikmynd um dúkkuna frá Mattel sem sýnd er í kvikmyndahúsum víða um heim. 

Vinsælt hefur verið í gegnum tíðina að hanna dúkkur sem pissa og kúka á sig, jafnvel æla, tala og svo framvegis, enda nauðsynlegt að undirbúa ungbörn strax undir verðandi foreldrahlutverk. 

Önnur dúkka frá Mattel hefur nú vakið athygli að nýju, og ekki vegna þess að hún er svo falleg, ljóshærð og bleik. Þessi dúkka ætti frekar heima í aðalhlutverki í hryllingsmynd, enda hafa margir fríkað út yfir auglýsingunni frá 1966.

Dúkkan hét „Baby Secret“ og kom út árið 1966, í auglýsingunni má sjá brosandi barn leika sér með dúkkuna. Mjög krúttlegt ekki satt? Þar til við komumst að því hvaða eiginleika dúkkan bjó yfir: leyndarmálum, leyndarmálum sem hún hvíslar að barninu.

Setningarnar sem dúkkan segir eru nokkrar, og ekki nóg með það heldur hreyfist munnur dúkkunnar meðan hás rödd hvíslar leyndarmálum sínum að barninu.

„Mig langar að segja þér svolítið“
„Mér finnst gaman að sofa hjá þér“
„Haltu mér þétt að þér og hvíslaðu“
„Mér finnst best að hvísla í myrkrinu“
„Ekki tala svona hátt
„Ég veit leyndarmál, en þú?“

Meðan flestum finnst dúkkan hálfkrípí þá líkar sumum við hana og eiga um hana góðar minningar:  „Þetta var alls ekki ógnvekjandi! Dúkkan var mjög mjúk og ætlað að fara með í rúmið, og hugmyndin var að þetta væri næstum eins og að eiga vin í svefn, þið gætuð verið að hvísla og flissa saman eftir háttatíma.“

„Ég átti þessa dúkku, hún var yndisleg, ekki hrollvekjandi, ekki ógnvekjandi. Ég elskaði hana svo, frábær minning að sjá hana aftur.“