Víkingur kjöldróg Val í Bestu deild karla um helgina og fór langt með að tryggja sér Íslandsmeistaratitilinn. Nokkuð fjaðrafok hefur átt sér stað eftir leikinn.
Í gær bárust af því fréttir að Valsarar íhuguðu að kæra aðkomu Arnars Gunnlaugssonar, þjálfara Víkings, að leiknum. Arnar tók út leikbann en viðurkenndi eftir leik að hafa átt í símasambandi við bekkinn.
Í gærkvöldi birti svo Einar Guðnason, fyrrum aðstoðarþjálfari Víkings, myndband af atviki úr leiknum þar sem Hólmar Örn Eyjólfsson í lið Vals virðist kýla Erling Agnarsson leikmann Víkings.
Ef einhver átti ekki skilið að fá einn á lúðurinn þá var það Erlingur Agnarsson 😁👊 pic.twitter.com/TQoH3dLLDg
— Einar Guðnason (@EinarGudna) August 23, 2023
Nokkur umræða fór af stað í kjölfarið. „Spurning með að kæra þetta,“ skrifaði Víkingurinn gallharði, Hörður Ágústsson, glettinn eftir fréttirnar fyrr um daginn.
Kjartan Henry Finnbogason, framherji FH, lét sitt ekki eftir liggja og virtist hissa miðað við tákn (e. emoji) sem hann birti. Kjartan hlaut agabann fyrr í sumar fyrir olnbogaskot eins og flestir muna.
Fótboltaþjálfarinn Magnús Haukur Harðarson hafði einmitt skrifað: „Ef þetta væri Kjartan Henry…“
😳
— Kjartan Henry Finnbogason (@kjahfin) August 23, 2023
