Eik Gísla­dótt­ir graf­ísk­ur hönnuður og frí­stunda­mál­ari hefur sett raðhús sitt við Sæviðar­sund 62 á sölu. Mbl.is greinir frá.

Húsið er 232,5 fm, þar af bílskúr 20 fm,  byggt árið 1967. Eldhúsið er hannað af Rut Káradóttur innanhússarkitekt.

Eignin skiptist í forstofu, eldhús, stofu, tvö svefnherbergi og baðherbergi á neðri hæð. Á efri hæð er opið rými, tvö svefnherbergi og geymslur. Öðru svefnherberginu hefur verið breytt í hjónasvítu með svefnherbergi, baðherbergi og aðstöðu fyrir þvottavélar allt í einu rými. Úr stofu er gengið út í garð þar sem er stór og mikill pallur með heitum rafmagnspotti frá Sundance og sauna með kamínu fyrir eldivið. Hluti af garðinum er með miklum gróðri og búið er að setja fallega lýsingu. Bílskúrinn hefur verið minnkaður að hluta til að búa til auka herbergi inn í húsinu. Möguleiki er að breyta tilbaka ef áhugi er fyrir því. Hleðslustöð fyrir rafbíla er tengd og fylgir húsinu.

Nánari upplýsingar um eignina má finna hér.