The Guardian skýrir frá þessu og segir að fjármálaráðuneytið hafi birt áætlun sem feli í sér að frá 2025 fái hirðin 45% hærri fjárframlög en nú. Þetta kallast „royal family´s grant“.
Samkvæmt niðurstöðum rannsókna þá búa 17% Breta í fátækt og hefur þeim fjölgað um 4 prósentustig frá því að miklar verðhækkanir byrjuðu að skella á 2021.
Því finnst mörgum það eflaust skjóta skökku við að hirðin fái ríflega launahækkun á meðan margir hafa varla efni á mat vegna mikilla verðhækkana, himinhárra verðbólgu og eftir því sem breskir fjölmiðlar segja, kreppu sem herjar á landið.
Ríkisstjórnin hafði áður tilkynnt að skorið yrði hraustlega niður í fjárútlátum til konungsfjölskyldunnar og að það myndi koma almenning til góða. The Guardian segir að það sé því óljóst af hverju Karl konungur fái nú ansi ríflega launahækkun.
Talsmaður hirðarinnar sagði að fjárframlag ríkisins til hirðarinnar hafi verið nánast óbreytt árum saman í pundum talið og hafi því í raun lækkað vegna verðhækkana í landinu. Hann sagði einnig að launahækkunin gildi aðeins frá 2025 til 2027 og nota eigi hana til að fjármagna viðgerðir á Buckingham Palace.
