Í vikunni greindu miðlar frá því að bandaríska tónlistarkonan Ariana Grande og fast­eigna­sal­inn Dalt­on Gomez væru að skilja eft­ir tveggja ára hjóna­band. Grande var þó ekki lengi kona einsömul og er hún sögð komin með nýjan mann í líf sitt, leikarann Ethan Slater.

Sjá einnig: Ariana Grande skilin

Slater var snöggur til að breyta stillingum á Instagram-reikningi sínum eftir að sögur um sambandið fóru á kreik og nú geta aðeins fylgjendur hans, sem eru um 84 þúsund, séð hverju kappinn póstar þar.

Grande og Slater kynnt­ust við ­tök­ur á kvik­mynd­inni Wicked, sem sýnd verður á næsta ári, en sögur herma að þau hafi byrjað samband sitt fyrir nokkrum mánuðum. Þegar leikarahópurinn fór út að skemmta sér í London í mars, til að fagna því að Michelle Yeoh fékk Óskarsverðlaun, má sjá parið sitja saman og Slater halda utan um Grande.

Et­h­an er einnig nýlega skilinn, en hann giftist söng­kon­unni Lilly Jay árið 2018 og eignuðust þau son í fyrra. Í maí póstaði hann færslu á Instagram þar sem hann dásamar og óskar bestu konu/manneskju í lífi þeirra feðga til hamingju með mæðradaginn.