fbpx
Föstudagur 04.apríl 2025
Fréttir

Tveggja lítilla barna saknað eftir að móðir þeirra drukknaði

Jakob Snævar Ólafsson
Þriðjudaginn 18. júlí 2023 14:01

Myndin tengist fréttinni ekki beint.

Ekki missa af Helstu tíðindum dagsins í pósthólfið þitt

Lesa nánar

Bandaríski fjölmiðillinn People sagði í gær frá móður frá Suður Karólínu-ríki í Bandaríkjunum sem var ásamt fjölskyldu sinni í heimsókn í Pennsylvaníu-ríki um síðastliðna helgi. Skall þá skyndilegt og kraftmikið flóð á veginum þar sem fjölskyldan var að keyra með þeim afleiðingum að móðirinn og fimm manns úr öðrum bílum drukknuðu.

Fjölskyldan var á leið í grillveislu og var að aka eftir vegi nærri bænum Upper Makefield Township.

Að sögn slökkviliðsstjóra bæjarins var vatnsstraumurinn mikill og kröftugur. Fjölskyldan reyndi að komast undan straumnum með því að faðirinn greip elsta barnið, fjögurra ára gamlan dreng, en móðirin og amman gripu yngri börnin tvö sem eru tveggja ára og níu mánaða. Faðirinn og drengurinn komust undan en vatnið sópaði móðurinni, ömmunni og yngri börnunum með sér.

Móðirin fannst látin, amman lifði af en litlu börnin hafa enn ekki fundist. Nöfn þeirra hafa ekki verið gefin upp.

Að sögn slökkviliðsstjórans var gífurleg rigning orsök þessa skyndilega hamfaraflóðs. Alls féll tæplega 178 millimetra úrkoma á 45 mínútum á svæðinu sem fjölskyldan var að ferðast um en til samanburðar má nefna að úrkoma síðasta árs, í heild sinni, í Reykjavík mældist 1062,4 millimetrar.

Slökkviliðsstjórinn sem býr yfir áratuga reynslu af björgunarstörfum segist aldrei hafa séð slíkt flóð. Vatnið hefði skollið á veginum af ótrúlegum hraða og krafti.

Að hans sögn er leitin að börnunum víðtæk og eru m.a. hundar, kafarar og drónar nýttir og nokkur hundruð björgunarmenn taka þátt.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 13 klukkutímum

Leggjast gegn dýrafrumvarpi Ingu Sæland – Ofnæmisvakar geti borist á milli íbúða

Leggjast gegn dýrafrumvarpi Ingu Sæland – Ofnæmisvakar geti borist á milli íbúða
Fréttir
Fyrir 14 klukkutímum

Heiðar um tolla Trumps – „Þetta er afskaplega skammsýnt“

Heiðar um tolla Trumps – „Þetta er afskaplega skammsýnt“
Fréttir
Í gær

Margrét segir að sér gefist kostur á að afgreiða meiðyrðamál Barböru gegn sér með afsökunarbeiðni og spyr FB-vini sína ráða

Margrét segir að sér gefist kostur á að afgreiða meiðyrðamál Barböru gegn sér með afsökunarbeiðni og spyr FB-vini sína ráða
Fréttir
Í gær

Reykjavík þarf að borga konu sem rekin var úr starfi eina milljón króna í bætur

Reykjavík þarf að borga konu sem rekin var úr starfi eina milljón króna í bætur
Fréttir
Í gær

Leigubílaharkari kúgaði fé út úr fjölskyldu – „Daginn eftir var bankað upp á hjá honum og þar voru tveir menn að rukka“

Leigubílaharkari kúgaði fé út úr fjölskyldu – „Daginn eftir var bankað upp á hjá honum og þar voru tveir menn að rukka“
Fréttir
Í gær

Mótmæla frumvarpi um rekstur líkhúsa – Sé ekkert annað en skattlagning á dánarbú

Mótmæla frumvarpi um rekstur líkhúsa – Sé ekkert annað en skattlagning á dánarbú