Hinn 27 ára gamli Alli þótti eitt sinn einn efnilegasti leikmaður heims. Ferill hans hefur hins vegar farið niður á við undanfarin ár. Hann yfirgaf Tottenham fyrir Everton í janúar 2022 en ekkert gekk upp þar. Hann var svo lánaður til Besiktas í Tyrklandi fyrir síðustu leiktíð.
Þar gekk hins vegar lítið upp hjá Alli heldur og í apríl sneri hann aftur til Englands vegna meiðsla.
Eftir það tók við skelfilegur tími í lífi Alli þar sem hann varð háður svefnpillum og drakk mikið.
„Það er kominn tími til að segja fólki hvað hefur verið í gangi. Það er erfitt að ræða þetta því ég hef falið þetta í langan tíma,“ segir Alli.
„Ég er hræddur við að tala um þetta. Þegar ég kom aftur frá Tyrklandi og hafði komist að því að ég þyrfti að fara í aðgerð var ég á afar slæmum stað andlega. Ég ákvað að fara inn á endurhæfingarstöð sem sérhæfir sig í fíkn og áföllum.
Ég fór þangað í sex vikur. Everton studdi mig mikið og ég verð þakklátur þeim að eilífu. Ég hefði ekki getað beðið um betri stuðning eftir að hafa tekið erfiðustu ákvörðun lífs míns. Ég var að gera eitthvað sem ég var mjög hræddur við en ég er svo glaður að hafa gert það.“
Allir segir hins vegar lengi hafa glímt við andlega erfiðleika. Hann var til að mynda næstum hættur í knattspyrnu 24 ára gamall.
„Ég vaknaði einn morguninn og þurfti að fara á æfingu. Ég horfði í spegilinn og spurði sjálfan mig hvort ég gæti hætt núna. Hætt 24 ára gamall að gera það sem ég elska. Það braut í mér hjartað.
Neville segir viðtalið það erfiðasta sem hann hefur tekið en jafnframt það sem hefur veitt honum mestan innblástur.
Horfðu á viðtalið í heild hér að neðan
