Harry Kane fyrirliði Tottenham mætir aftur til æfinga á morgun eftir sumarfrí en þar er búið að boða til fundar milli hans og Ange Postecoglou stjóra félagsins.
Postecoglou var ráðinn til Tottenham í sumar en hans stærsti hausverkur er að reyna að halda Kane.
FC Bayern er búið að leggja fram tvö tilboð í Kane sem hafa ekki fallið vel í kramið hjá Tottenham.
Ensk blöð segja í kvöld að Kane muni tjá Postecoglou að hann skoði alla möguleika í sumar, hann sé til í að skoða tilboð frá öðrum liðum.
Kane á bara ár eftir af samningi sínum við Spursen félagið er tilbúið að hækka launin hans hressilega. Kane er með 200 þúsund pund á viku í dag.
Kane hefur ekki verið líklegur til þess að gera nýjan samning en Tottenham mun reyna að freista hans með alvöru tilboði.
