Króatíska fyrirsætan Ivana Knoll var af mörgum, þar á meðal enskum götublöðum, talin sý kynþokkafyllsta á Heimsmeistaramótinu í Katar.

Knoll fylgdi króatíska landsliðinu alla leið í Katar og vakti gríðarlega athygli. Króatía tapaði í undanúrslitum HM fyrir Argentínu en vann leikinn um bronsið gegn Marokkó.

Þegar þetta er skrifað er Knoll með 3,3 milljónir fylgjenda á Instagram. Hefur fjöldinn aukist um fleiri hundruð þúsund á síðustu vikum.

Knoll var í Katar í mánuð þar sem hún virtist njóta lífsins í sandinum og sólinni.

Knoll er nú stödd á Ibiza þar sem ríka og fræga fólkið nýtur lífsins, hún hitti þar á Erling Haaland sóknarmann Manchester City og fór vel á með þeim.