David De Gea virðist vera ansi pirraður á stöðunni hjá Manchester United.
Kappinn er að verða samningslaus og er frjáls ferða sinna um helgina ef hann skrifar ekki undir nýjan samning.
Félagið bauð honum samning þar sem markvörðurinn hefði þurft að taka á sig mikla launalækkun frá þeim 375 þúsund pundum á viku sem hann er á núna og samþykkti De Gea það.
Að lokum vildi United hins vegar ekki skrifa undir samninginn og vildi að hann lækkaði laun sín enn frekar.
De Gea birti færslu á Twitter fyrr í dag sem segir allt sem segja þarf. Hana má sjá hér neðar.
De Gea hefur verið hjá United síðan 2011 og oft verið gagnrýndur fyrir framistöðu sína.
Nú er útlit fyrir að Spánverjinn sé á förum frá Old Trafford.
🥱
— David de Gea (@D_DeGea) June 28, 2023
