Antony leikmaður Manchester United hafnar með öllu að hafa beitt fyrrum unnustu sína hrottalegu ofbeldi eins og hún sakar hann um.

Antony hefur gefið skýrslu hjá lögreglunni og hafnar þar öllum þeim ásökunum sem hann hefur setið undir. Gabriella Cavallin sem er nú fyrrum unnusta Antony segist hafa óttast um líf sitt þegar hann á að hafa lagt á hanar hendur. Cavallin fór til lögreglunnar og segir að Antony hafi beitt sig líkamlegu ofbeldi. Segja fjölmiðlar að um sé að ræða fjögur skipti sem hún sakar Antony um ofbeldi. Segir í fréttum í Brasilíu að Cavallin hafi farið með myndir af meintum áverkum til lögreglunnar og samskipti þeirra á milli.

„Hann hélt um báðar hendurnar á mér, henti mér í rúmið og fór svo ofan á mig,“ sagði Cavallin.

„Við það fór silíkonið mitt að færast úr stað.“

Cavallin segist hafa óttast um líf sitt á þessum tímapunkti. „Á því augnabliki varð ég svo andstutt að mér leið eins og ég væri að deyja.“

Cavallin heldur því fram að Antony hafi haldið sér læstri inn á heimili hans í Manchester. „Hann braut ferðatöskuna mína, tók handtöskuna mína, vegabréfið mitt. Hann braut farsímann minn, hann vildi ekki sleppa mér,“ sagði Cavallin.

Öllu þessu hafnar Antony í yfirlýsingu og segir meðal annars. „Eftir að hafa lagt fram skýrslu hjá lögreglu þar rannsókn er í gangi vil ég tala opinberlega í fyrsta sinn frá því að þessar fölsku ásakanir komu fram,“ segir Antony.

„Ég hef ekki sagt neitt til að hafa ekki áhrif á rannsóknina, en á þessum tíma hef ég og fjölskylda mín upplifað þjáningu í þögninni. Ég hef aldrei verið í þessum aðstæðum áður.“

„Eftir að rannsókn lýkur verður sakleysi mitt sannað,“ segir Antony en yfirlýsing hans er í heild hér að neðan.