Það eru ekki allir sem kannast við nafnið Kacper Kurylowicz en hann er markmaður sem lék lengi vel með Tottenham.

Þessi 21 árs gamli leikmaður fékk aldrei tækifærið með aðalliði Tottenham en þótti mikið efni á sínum tíma.

Því miður hefur ferill leikmannsins ekki náð miklu flugi og leitar hann nú á samskiptamiðla til að finna nýtt félag.

Kurylowicz hefur verið lánaður annað á sínum tíma hjá Tottenham en var síðast í neðri deildum Englands með Yaxley FC.

Stjóri Yaxley, Simon Roberts, ákvað að svara færslu markmannsins á Twitter sem kom mörgum á óvart.

,,Magnaður markmaður og frábær strákur. Hann var með mér síðustu sjö leikina á tímabilinu,“ skrifaði Roberts.

Það er alls ekki algengt að atvinnumenn í knattspyrnu leiti á samskiptamiðla í leit að nýju félagi en það virðist vera síðasti möguleiki Kurylowicz.

Hann hefur leitað að hjálp undanfarnar vikur en án árangurs en það er þó aldrei að vita hvort færsla hans muni hjálpa til.