Kaup nýrra eigenda á Manchester United munu ekki ganga í gegn fyrr en eftir að næsta tímabil í ensku úrvalsdeildinni er hafið.

Þetta segir í frétt the Times í kvöld.

United hefur verið til sölu síðan í lok síðasta árs en ekki hefur sala enn tekist.

Flestir stuðningsmenn United eru æstir að losna við Glazer-fjölskylduna.

Sheik Jassim og Sir Jim Ratcliffe eru líklegustu aðilarnir til að eignast United en hafa tilboð þeirra hingað til ekki verið samþykkt.

Samkvæmt nýjustu fréttum eru núverandi eigendur búnir að ákveða hvern þeir vilja fá til að taka við af þeim og að ekki skilji langt á milli þar til hægt verði að semja.

Allt ferlið gæti hins vegar tekið tíu vikur.

Á dögunum sagði katarskur miðill frá því að Sheik Jassim væri við það að eiganst United en þær fréttir voru byggðar á sandi. Enn fremur er Ratcliffe líklegri til að eignast félagið en Katarinn á þessari stundu.