Starfsmaður í ísbíl var ansi hissa þegar Erling Braut Haaland stökk inn í bílinn hans í fagnaðarlátum leikmanna Manchester City á dögunum.

Leikmenn City fögnuðu því að sigra þrennuna á götum Manchester á mánudag.

Í fagnaðarlátunum fékk Haaland sér ís hjá Ejaz Azam.

„Ég var bókaður í fögnuðinn til 23 en það var mikið af fólki svo ég komst ekki. Hann kom um hálf eitt og fyrst sá ég ekki að þetta væri hann. „Fyrirgefðu, það er lokað,“ sagði ég fyrst við hann.

Það var einhver með honum og spurði hvort ég ætlaði virkilega ekki að afgreiða Haaland.“

Þá áttaði Azam sig.

„Ég sagði honum að það væri opið fyrir hann allan sólarhringinn. Hann sagði að það væri allt í lagi ef það er lokað, ég þyrfti ekki að hafa áhyggjur af þessu.

Ég opnaði samt fyrir hann og hann bað um krap. Svo spurði hann hvort hann mætti ekki bara koma inn fyrir. Ég leyfði honum það og hann fór að afgreiða viðskiptavini, svo gerði hann sinn eigin ís,“ segir Azam sem kveðst virkilega sáttur með uppákomuna.