Manchester United hefur gefist upp á því að eltast við Harry Kane framherja Tottenham. Eru þetta nýjar fréttir sem Guardian segir nú frá.

Þar segir að United telji að Kane sé alltof dýr miðað við aldur og þá staðreynd að samningur hans rennur út eftir eitt ár.

Segir í frétt Guardian sem iðulega er afar áreiðanlegur miðill að Erik ten Hag sé svekktur.

Ten Hag hafði Kane efstan á innkaupalista sínum í sumar. Þrátt fyrir að vera svekktur er Ten Hag sagður skilja það að félagið getur bara teygt sig ákveðið langt í heildarpakka fyrir leikmann.

Kane á aðeins ár eftir af samningi sínum en hann er sterklega orðaður við Real Madrid en Daniel Levy vill helst ekki selja kauða.