Lionel Messi kæmist ekki í lið Arsenal í dag og er ekki í standi til að spila í ensku úrvalsdeildinni í dag.

Þetta segir Darren Bent, fyrrum landsliðsmaður Englands, en Messi leikur með PSG og er 35 ára gamall í dag.

Messi hefur átt gott tímabil með PSG og vann einnig HM með Argentínu á síðasta ári og virðist eiga töluvert eftir.

Messi er af mörgum talinn besti leikmaður sögunnar en Bent er ekki á því máli að hann myndi labba inn í byrjunarlið Arsenal en kæmist mögulega inn sem fremsti maður í stað Gabriel Jesus.

,,Sé ég Messi fyrir mér í ensku úrvalsdeildinni á þessum tímapunkti? Nei, ég held að hann gæti það ekki,“ sagði Bent.

,,Hann er besti leikmaður sögunnar en ég tel að fólk myndi gagnrýna minnstu hlutina eins og þeir hafa gert í Frakklandi.“

,,Hann kæmi til Englands og fólk myndi ákveða að bauna á hann og segja að Cristiano Ronaldo hafi gert hitt og þetta.“

,,Hjá Arsenal myndi ég velja bæði Bukayo Saka og Gabriel Martinelli frekar en Messi því við spilum öðruvísi fótbolta hér. Ég myndi þó alltaf velja hann aðeins til að fá að sjá hann.“