Íþróttavikan kemur út alla föstudaga. Hana má nálgast hér á 433.is, Hringbraut.is og í Sjónvarpi Símans, sem og í hlaðvarpsformi.

Helgi Fannar Sigurðsson og Hrafnkell Freyr Ágústsson hafa umsjón með þættinum og í þetta sinn var gestur Ásgerður Stefanía Baldursdóttir.

Pétur Pétursson, þjálfari kvennaliðs Vals, hélt eldræðu í viðtali við Fótbolta.net eftir leik gegn Þrótti á dögunum. Það vantaði fjórða dómara í leikinn og gagnrýndi Pétur KSÍ fyrir það.

Þá gagnrýndi hann einnig Stöð 2 Sport fyrir umfjöllun og ÍTF fyrir skort á sýnileika Bestu deildar kvenna. Því síðarnefnda var hins vegar svarað og leiðrétt á dögunum.

„Ég tek undir þetta með honum, sérstaklega með fjórða dómarann. Þetta er ótrúlega mikilvægt atriði. Það er eiginlega óskiljanlegt að það sé ekki dómari í stærsta leik umferðarinnar.

Horfðu á þáttinn í heild hérna

Mér finnst umgjörðin ekki alveg hafa stigið skrefið eins og talað hefur verið um,“ sagði Ásgerður í þættinum.

„Er þetta ekki skandall, að vera ekki með fjórða dómara?“ spurðu Helgi.

Hrafnkell tók til máls. „Jú, mér finnst það mjög lélegt. Þarna verður þú að hafa þetta jafnt. Ef möguleikinn er ekki gefinn sjáum við aldrei hvort hægt sé að fá fleiri á völlinn og þess háttar.“

Umræðan í heild er í spilaranum.