Söngvarinn Patrik Atlason, eða Prettyboitjokko eins og hann kallar sig, keyrir um á ljósbláum sportbíl af gerðinni Porsche.

Vísir greinir frá. Um er að ræða Taycan týpuna og er grunnverð 13,9 milljónir krónur.

Patrik er samt ekki alveg fullkomlega ánægður með sportbílinn en hann hefði viljað hafa hann bleikan. Ef hann er ekki nógu áberandi í umferðinni nú þegar þá verður enn auðveldara fyrir aðdáendur að bera kennsl á hann, en hann ætlar að fá sér bílnúmerið PBT, sem stendur fyrir Prettyboitjokko.

Tónlistarmaðurinn er barnabarn Helga Vilhjálmssonar, betur þekktur sem Helga í Góu, og hefur verið óhræddur við að flagga ættartengslunum.

@patrikatlason Ef þið spottið migí umferðinni fáið þið nammi #fyp #PBT ♬ original sound – Patrik Atlason

Sælgætisverksmiðjan Góa hefur verið að framleiða súkkulaðið Prettyboi „choco“ í nokkra mánuði. Patrik auglýsti einnig afa sinn í myndbandi þar sem hann og afi hans hittu Birgittu Líf Björnsdóttur og pabba hennar, Björn Leifsson, eða Bjössa í World Class eins og landsmenn þekkja hann, til að skrifa undir umboðssamning. Birgitta og Patrik flagga því bæði að þau draga taum ættmenna og njóta framgangs vegna þeirra.

@patrikatlason Það þurfti alvöru gæðavottun á þetta samstarf. Bookings í gegnum @Birgitta Líf Björnsd ♬ original sound – Patrik Atlason

Patrik gaf út lagið „Allar stelpurnar“ í byrjun maí.

@patrikatlason 00:00 05.05 #PBT #fyp ♬ original sound – Patrik Atlason