Dejan Kulusevski, leikmaður Tottenham, mun endanlega ganga í raðir félagsins í sumarglugganum.
Þetta fullyrða enskir miðlar en Kulusevski hefur verið í láni hjá Tottenham frá ítalska stórliðinu Juventus.
Kulusevski skrifaði undir 18 mánaða lánssamning við Tottenham en hann rennur út í sumar.
Um tíma var rætt um að Kulusevski myndi snúa aftur til Ítalíu í sumar en það er ekki rétt og ætlar Tottenham að tryggja sér hann endanlega.
Enska félagið þarf að borga 30 milljónir punda fyrir Kulusevski og er það skylda ef félagið kemst í Meistaradeildina.
Meiðsli hafa sett strik í reikning leikmannsins á þessu tímabili en Tottenham hefur þó mikinn áhuga á að semja við hann endanlega.
