Alan Pace, eigandi Burnley, hefur tjáð sig um Vincent Kompany sem hefur náð frábærum árangri sem stjóri liðsins.

Kompany tók við Burnley fyrir þetta tímabil og kom liðinu upp um deild í fyrstu tilraun – Jóhann Berg Guðmundsson er auðvitað leikmaður liðsins.

Kompany er orðaður við stærri félög í dag og viðurkennir Pace að það verði ekki auðvelt verkefni að halda Belganum í langan tíma.

,,Mínar áhyggjur.. Ég reyndi að útskýra fyrir honum að þetta væri eins og að hitta fallegustu konu bæjarins vitandi það að hún mun örugglega aldrei giftast þér,“ sagði Pace.

,,Allir aðrir vilja giftast henni, svo hversu lengi geturðu séð hana? Hversu lengi getið þið verið saman?“

,,Ég vona að það verði í mjög langan tíma en það er undir henni komið.„