Það var mikið sjokk fyrir leikmenn Real Madrid þegar Cristiano Ronaldo gekk í raðir félagsins árið 2009.

Þetta segir Royston Drenthe, fyrrujm leikmaður liðsins, en hann var hjá félaginu er Ronaldo kom frá Manchester United sem þá dýrasti leikmaður heims.

Leikmenn Real voru vanir því að fá athygli en enginn leikmaður fékk næstum jafn mikla athygli og Ronaldo sem hefur í mörg ár verið ofurstjarna og um tíma einn besti ef ekki besti leikmaður heims.

Drenthe segir að allt hafi breyst með komu Ronaldo sem gat varla farið út úr húsi án þess að vera áreittur af aðdáendum eða fjölmiðlamönnum.

,,Þegar Ronaldo gekk í raðir félagsins, það var klikkun. Hann gat ekki farið neitt eða gert neitt án þess að vera myndaður eða fólk að elta hann,“ sagði Drenthe.

,,Við upplifðum allir svipaða hluti því við vorum að spila fyrir stærsta félag heims en við vorum hvergi nærri honum.“

,,Hann þurfti að passa sig svo mikið utan vallar og gat í raun aðeins verið hann sjálfur á æfingasvæðinu eða í búningsklefanum með okkur.“

,,Hann var ótrúlegur náungi og ég elskaði tímann minnm með honum. Hann er sannur atvinnumaður. Hann gerði hluti sem enginn af okkur naut þess að gera.“