Annie Kilner eiginkona Kyle Walker varnarmanns Manchester City hefur mikið verið í fréttum undanfarnar vikur eftir að Walker tók liminn út á almannafæri og daðraði við aðrar konur.

Kilner vakti athygli í vikunni þegar hún birti nýjar myndir á Instagram.

Kilner hefur fyrirgefið kappanum enn á ný eftir hneyksli hans í síðasta mánuði.

Walker, sem hefur oft komið sér í fréttirnar fyrir miður skemmtileg athæfi utan vallar, sást á öryggismyndavélum bera lim sinn og kyssa aðra konu á bar eftir sigurleik Manchester City á dögunum.

Hann hefur áður haldið framhjá Kilner en hún alltaf fyrirgefið honum. Kilner birti mynd af sér á leik City gegn Leicester um helgina með kampavín og allt virðist í blóma á ný.

Lögregla ræddi við Walker eftir athæfið á barnum í síðasta mánuði, enda ólöglegt að bera kynfæri sín í almenningi. Málið verður hins vegar ekki tekið lengra og bakvörðurinn knái því ekki í frekari vandræðum.

Annie hefur, sem fyrr segir, fyrirgefið ýmsilegt í gegnum tíðina. Hún tók aftur við Walker eftir framhjáhald árið 2019.

Árið 2020 varð fyrirsætan Lauryn Goodmann ófrísk eftir Walker en Annie fyrirgaf það einnig eftir nokkra mánuði.

Á meðan þau voru í sundur hafði Walker leigt sér íbúð og fékk tvær vændiskonur heim til sín þegar útgöngubann var í Bretlandi vegna COVID-19.