Það er áhugi á Bruno Guimaraes, leikmanni Newcastle, annars staðar að.

Guimaraes er 25 ára gamall miðjumaður sem hefur verið í lykilhlutverki frá því hann kom frá Lyon snemma á síðasta ári.

Hefur hann átt þátt í miklum uppgangi Newcastle, en liðið er á góðri leið með að tryggja sér sæti í Meistaradeild Evrópu.

Önnur stórlið hafa þó áhuga á að krækja í Guimaraes frá Newcastle.

Samkvæmt spænska blaðinu AS hafa Barcelona, Paris Saint-Germain og Liverpool augastað á Guimaraes.

Liverpool er jafnframt sagt til í að greiða um 87 milljónir punda fyrir þjónustu leikmannsins.

Lærisveinar Jurgen Klopp þurfa sárlega að styrkja miðsvæði sitt í sumar og gæti Guimaraes reynst lausn.