Hugo Lloris hefur fengið stórt tilboð frá félagi í Sádi-Arabíu. Þetta segir í frétt The Times.

Franski markvörðurinn hefur verið á mála hjá Tottenham síðan 2012.

Hann er ekki að eiga sitt besta tímabil og gæti farið í sumar.

Lloris er orðinn 36 ára gamall. Samningur hans við Tottenham rennur út eftir ár.

Samkvæmt Times hefur hann fengið afar freistandi tilboð frá Sádi-Arabíu.

Talið er að félag þar í landi sé til í að þrefalda laun Lloris hjá Tottenham, en hann þénar um 100 þúsund pund á viku í London.

Þetta gæti reynst freistandi fyrir mann á seinni stigum knattspyrnuferilsins.