Mynd sem sýnir að boltinn fór út af í marki Manchester City gegn Real Madrid í gær hefur farið eins og eldur um sinu en VAR ákvað að láta markið standa.
ESPN greinir frá því að miðilinn hafi fengið útskýringu frá VAR. Ljóst er að boltinn fór út af en VAR segir að nýtt augnablik leiksins hafi verið farið af stað.
Eduardo Camavinga missti boltann þá undir engri pressu. Allt sem gerðist fyrir það atvik er ekki tekið með hjá VAR.
Carlo Ancelotti þjálfari Real Madrid var brjálaður yfir markinu og sagði að Bernardo Silva hefði misst boltann út af.
Gestirnir frá Englandi stýrðu leiknum í fyrri hálfleik án þess þó að skapa sér álitleg færi.
Það var hins vegar Real Madrid sem skoraði eina mark hálfleiksins með sínu eina skoti. Markið gerði Vinicius Junior með flottu skoti eftir glæsilega skyndisókn heimamanna.
Um miðjan seinni hálfleik jafnaði City með stórkostlegu skoti Kevin De Bruyne. Á þeim tíma höfðu heimamenn verið líklegri en það er ekki að því spurt.
Heimamenn gerðu nokkuð áhlaup að marki gestanna á lokamínútum leiksins. Meira var hins vegar ekki skorað.
Lokatölur 1-1 í Madríd. Fín úrslit fyrir City að fara með aftur heim.
