Nú á meðan Karl III Bretakonungur er krýndur er gott að minnast þess að hann hefur þó í rúmlega sjö áratugi verið krónprins Bretlands og því hafa allra augu verið á honum áratugum saman.
Það er því ekki úr vegi að rifja upp nokkrar sturlaðar staðreyndir um konunginn.
Greint var frá því um aldamótin að Karl, þá prins, væri hreint ekki ánægður í heimsókn sinni í Tékklandi. Ástæðan var sú að hann var ekki með uppáhalds majónesið sitt. Ekki gat krónprinsinn hugsað sér að fá sér eggjasamlokuna sína án þess að vera með Hellmanns majónes, en það fannst hvergi þarna í Tékklandi. Upp varð fótur og fit og fór svo að majónesið var sent til hans með fyrsta flugi í svokallaðri diplómataskjóðu og tókst að redda málinu svo prinsinn gæti fengið sér samloku í hádeginu.
Svo segir sagan að Karl eigi eldgamla bifreið af gerðinni Aston Martin, sem hann fékk í afmælisgjöf þegar hann varð 21 árs, sem gengur fyrir lífrænu eldsneyti sem unnið er úr umfram framleiðslu af ensku víni. Hann á einnig glæsibíla á borð við Jaguar, Audi og Range Rover sem allir ganga fyrri lífdísil.
Karl varð fyrsti krónprins konungsfjölskyldunnar til að næla sér í háskólagráðu. En hann er með bæði bakkalár- og meistaragráðu frá Cambridge háskólanum.
Sagan segir að Karl sé ekkert sérstaklega naskur í að velja gjafir. Dæmi um þetta sé gjöf sem hann gaf árið 2003 til tónlistarmannsins Ozzy Osbourne. Ozzy var á þeim tíma að ná sér eftir fjórhjólaslys en prinsinn ákvað að senda honum batakveðjur ásamt gjöf – sem var flaska af bresku viskí. Ozzy var þó á þeim tíma orðinn óvirkur alkóhólisti og varð því eiginkona hans ekkert sérlega sátt með gjöfina.
Karl ákvað að láta fyrir sér reyna í skrifum árið 1980 og samdi og gaf út barnabókina The Old Man Of Lochnager, en söguna samdi hann fyrst fyrir yngri bróðir sinn, Játvarð.
Ekki var það nóg að gefa bara út bók heldur hefur Karl einnig látið til sín taka á öðrum listrænum sviðum. Hann málar vatnslitamyndir sem þykja furðu góðar og spilar á selló. Líklega eru þó vatnslitirnir að gefa honum mest í vasann en svo segir að hann hafi á árunum 1997-2016 þénað rúmlega 345 milljónir á núvirði með því að selja myndir sínar. Hann hefur einnig reynt fyrir sér leiklistinni en í heimavistarskólanum sem hann gekk í sem barn sem og í háskóla lagði tók hann þátt í uppsetningum og tilheyrði leiklistarklúbbum.
Það er ekki bara sólskin og regnbogar að vera krónprins. Karl hefur lýst því að í barnaskóla hafi hann verið utangarðs og hafi enginn viljað vingast við hann. Honum hafi verið strítt og jafnvel verið beittur ofbeldi þar sem skólafélagar réðust á hann, lömdu og toguðu í eyru hans.
Karl ákvað að taka að sér að kynna veðurfréttirnar þegar sjónvarpsstöðin BBC í Skotlandi fagnaði 60 ára starfsafmæli.
Svo segir í einni bók um konungsfjölskylduna að dag einn hafi Karl rekið upp mikið öskur og skolfið af skelfingu þegar hann sá að eitthvað efni úr plasti, sem hann kunni ekki deili á, var yfir matnum hans. Segir sagan að þá hafi eiginkona hans, Kamilla, svarað honum og sagt: „Þetta er matarfilma, elskan“.
Eða það gera allavega minnst 32 einstaklingar sem eiga Karl fyrir guðföður.
Voru tíu staðreyndir ekki nóg? Hér eru nokkar í viðbót.
