Sú ákvörðun Christine Baumgartner að óska eftir skilnaði við kvikmynda- og sjónvarpsstjörnuna Kevin Costner kom flestum tengdum þeim í opna skjöldu – þar á meðal Costner sjálfum.

Bandaríski slúðurmiðillinn TMZ greinir frá þessu en greint var frá því í gær að Baumgartner hefði óskað eftir skilnaði eftir 18 ára hjónaband. Opinberlega brást Costner við með yfirlýsingu frá fjölmiðlafulltrúa hans þar sem sagt var að um mikla harmafregn væri að ræða.

Ástæðan fyrir skilnaðinum var sú að Costner, sem er 68 ára gamall, hunsaði þá ósk eiginkonu sinnar að hann myndi draga sig úr sjónvarpsþáttunum vinsælu Yellowstone en framleiðsla þeirra í Montana geri það að verkum að hann er mikið fjarverandi frá heimili þeirra í Los Angeles.

Í umfjöllun TMZ kemur fram að í gildi sé kaupmáli milli parsins þar sem allar eignir Costner eru hans séreign. Skal engan undra því fyrri skilnaður Costner við leikkonuna Cindy Costner kostaði hann helming allra eigna sinna eða rúmlega milljarð íslenska króna á sínum tíma.